سلوۆەنيالىق «ماريبوردى» ۇتقان «استانا» چەمپيوندار ليگاسىنىڭ كەلەسى كەزەڭىنە شىقتى - فوتو
وسىلايشا، فۋتبولدان قازاقستان چەمپيونى «استانا» كومانداسى ەكى ماتچتاعى كەزدەسۋ قورىتىندىسى بويىنشا چەمپيوندار ليگاسىنىڭ كەلەسى كەزەڭىنە شىقتى.
كەزدەسۋ بارىسىندا ەسەپتى العاش بولىپ ويىننىڭ 11- مينۋتىندا «استانالىق» باۋىرجان جولشيەۆ اشقان بولاتىن. ودان كەيىن 39- مينۋتتا قوناقتار ەسەپتى تەڭەستىرىپ، ءبىرىنشى تايم تەڭ ەسەپپەن اياقتالعان. ال ويىننىڭ ەكىنشى بولىگىندە «استانا» قايتا العا شىقتى، بۇل جولى 43- مينۋتتا روحەر كانياس ءدال سوققى جاساپ، كوماندانى العا شىعاردى. ال 58- مينۋتتا «استانالىق» پاتريك تۆۋماسي قوناقتار قاقپاسىنا ءۇشىنشى گولدى سوعىپ، ءوز كومانداسىنا جەڭىس سىيلادى.
ەسكە سالا كەتەيىك، بۇعان دەيىنگى كەزدەسۋدە «استانا» سلوۆەنيادا «ماريبورعا» 0:1 ەسەبىمەن ەسە جىبەرىپ العان بولاتىن. ەندى ەكى ويىننىڭ قورىتىندىسى بويىنشا ءبىزدىڭ كوماندا ىرىكتەۋدىڭ كەلەسى كەزەڭىنە شىعىپ وتىر.
