الەۋمەتتىك جەلىدە تاريحي كەسكىندەر مۇراعاتى اشىلدى
550 مىڭنان استام بەينە سيۋجەتتەردىڭ ىشىندە 1936-جىلعى چارلي چاپلين مەن ونىڭ جۇبايىنىڭ بال ايىنىڭ جازباسى، «گيندەنبۋرگ» ديريجابلى اپاتىنىڭ ءتۇپ نۇسقا تۇسىرىلىمدەرى، وداقتاستاردىڭ نورماندياعا اسكەر ءتۇسىرۋى جايلى ۆيدەولار بار.
تاريحي ۇزىندىلەردەن باسقا، جيناقتا «Kinks» توبىنىڭ شاشتارازعا كەلگەنى نەمەسە 1935-جىلداعى چيكاگوداعى پىلدەر جارىسى سياقتى جەڭىل قىزىقتى ۆيدەولار بار. ەڭ كونە ۆيدەو 1895-جىلى تۇسىرىلگەن.
«ۆيەدونى «YouTube» جەلىسىنە جۇكتەپ جۇرتشىلىققا تاريحتاعى ماڭىزدى ساتتەردى تاماشالاۋعا جول اشتىق. بۇل كورەرمەندەر ءۇشىن تاريحتا ءىزى قالعان ادامدار مەن وقيعالاردى كورسەتەتىن ەرەكشە «ساياحات»، - دەدى اسسوشيەيتەد پرەسس حالىقارالىق مۇراعاتىنىڭ ديرەكتورى ەلۆين ليندسي.
«اسسوشيەيتەد پرەسس» - 1846-جىلى قۇرىلعان الەمدەگى ءىرى اقپاراتتىق اگەنتتىكتەردىڭ ءبىرى. «British Movietone» - جاڭالىقتار اگەنتتىگى رەتىندە 1919-جىلى قۇرىلعان بريتاندىق دەرەكتى بەينەلەر مۇراعاتى.
