00:06, 23 - شىلدە 2015 | GMT +5
ايەل ادامدى زورلاپ، ولتىرگەنى ءۇشىن ىزدەۋدە جۇرگەن ق ر ازاماتى تايلاندتان ۇستالدى
استانا. قازاقپارات - تايلاندتا ايەلدى زورلاپ ولتىرگەنى ءۇشىن ىزدەۋدە جۇرگەن قازاقستاندىق سىرىم پارمانوۆ ۇستالدى، دەپ حابارلادى تايلاندتىق Pattaya Daily News باسىلىمى.
گازەتتىڭ حابارلاۋىنشا، جۋىردا كوشى- قون پوليتسياسىنىڭ مايورى تامرونگ سەنگۆاتتاناكۋنگە اۋىر قىلمىس جاساعانى ءۇشىن ىزدەۋدە جۇرگەن قازاقستان ازاماتى SP Village ۇيىندە جاسىرىنىپ جۇرگەنى تۋرالى حابار كەلىپ ءتۇستى. جەدەل توپ پارمانوۆتى ۇستاۋعا شىقتى.
وقيعا ورنىنا كەلگەن پوليتسەيلەر جالعا الىنعان ءۇيدىڭ ماڭىنان 37 جاستاعى ەر ادامدى بايقايدى. «پوليتسەيلەر قازاقستان بيلىگى بەرگەن قاماۋعا الۋعا رۇقسات قۇجاتىن كورسەتىپ، دايەكتەمە رەتىندە ءتولقۇجاتىن الىپ، كۇدىكتىنى ۇستادى»، - دەلىنگەن جاريالانىمدا.
تايلاند پوليتسياسى تۇسىندىرگەندەي، كوشى- قون پوليتسياسىنا قازاقستان ەلشىلىگىنەن قازاقستاندا ايەل ادامدى زورلاپ ولتىرگەن قىلمىستىق توپتىڭ مۇشەسى پارمانوۆتى قولعا تۇسىرۋگە جاردەمدەسۋ ءوتىنىشى كەلىپ تۇسكەن. قىلمىس 2010 -جىلى جاسالعان.
