ۋ ە ف ا: «استانا» «ماريبورعا» قارسى كەزدەسۋدە ەسەپ اشتى

 استانا. قازاقپارات - وسى ساتتەردە ەلورداداعى «استانا- ارەنا» ستاديونىندا ۋەفا چەمپيوندار ليگاسىنىڭ ەكىنشى ىرىكتەۋ كەزەڭىندە «استانا» فۋتبول كومانداسىنىڭ سلوۆەنيالىق «ماريبورعا» قارسى قارىمتا كەزدەسۋىنىڭ ءبىرىنشى تايمى وتۋدە.

 ويىننىڭ 11- مينۋتىندا «استانالىق» باۋىرجان جولشيەۆ ماتچتىڭ العاشقى ەسەبىن اشىپ، قوناقتاردىڭ قاقپاسىنا دوپ دارىتتى.

 «استانانىڭ» ىرىكتەۋ راۋندىنىڭ كەلەسى كەزەڭىنە شىعۋ ءۇشىن ەلوردالىق كوماندا سلوۆەنيالىقتاردى كەمىندە 2:0 ەسەبىمەن ۇتۋ كەرەك. ويتكەنى، 15- شىلدە كۇنى ماريبوردا وتكەن العاشقى كەزدەسۋدە سلوۆەنيالىقتار جەرلەستەرىمىزدى مينيمالدى (0:1) ەسەپپەن جەڭگەن بولاتىن.

 ايتا كەتەرلىگى، بۋكمەكەرلىك كەڭسەلەردىڭ ءبىرىنشى بولجامىندا جەڭىس «استانالىقتاردا» بولادى دەپ كۇتىلەدى. وسىدان كەيىنگى ورىندا «ويىن تەڭ بولادى» جانە «سلوۆەنيالىقتار جەڭەدى» دەگەن بەلگى بار.

اۆتور: قانات مامەتقازى ۇلى