شىعىس وڭىرلىك قولباسشىلىعىنىڭ ساربازدارى تۇنگى اتىس- جاتتىعۋلارىنا ماشىقتاندى
دەپ حابارلادى قورعانىس مينيسترلىگىنىڭ باسپا ءسوز قىزمەتىنەن.
كۇننىڭ ىستىعىنا قاراماستان 1- موتواتقىشتار باتالونىنىڭ جەكە قۇرامى، ونىڭ ىشىندە ءۇش موتواتقىشتار روتاسى، مينا اتقىش باتارەياسى جانە اتۋدى قولداۋ روتاسى اسكەري بولىمنەن 45 ك م جەردە ورنالاسقان «يزەندى» وقۋ- جاتتىعۋ پوليگونىنا بارىپ، اتالعان اۋدانعا قاجەتتى اسكەري تەحنيكالاردى جونەلتتى. جاۋىنگەرلەر دالالىق جاعدايدا ءبىر اپتا ۋاقىتىن وتكىزەدى. تۇنگى ۋاقىتتا ولار ءا ك-74 جانە دراگۋنوۆ مەرگەن ۆينتوۆكاسىنان اتۋدى ورىندادى. كۇندىز تاكتيكالىق- ساپتىق جاتتىعۋلار مەن اسكەري كولىكتەردى جۇرگىزۋگە كىرىستى.
وسىلايشا، جەكە قۇرام ءوزىنىڭ جاۋىنگەرلىك دايارلىعىن نىعايتىپ، كۇندىزگى جانە تۇنگى ۋاقىتتاعى دالالىق جاعدايدا جاۋىنگەرلىك تاپسىرمالاردى ورىنداۋعا بەيىمدەلەدى. «وسىنداي دالالىق جاتتىعۋلار بولىمشەلەر كومانديرلەرى ءۇشىن ەرەكشە تاجىريبەلىك ساباق بولىپ تابىلادى. ولار جەكە قۇراممەن ۇرىس ءىس- قيمىلىنا كەلتىرىلگەن جاعدايلاردا جۇمىس ىستەپ ۇيرەنەدى؛ جاۋىنگەرلەر ءۇشىن باعىت- باعدار بەرەتىن، ۇلگى سانالاتىن كومانديردىڭ كۇردەلى تاپسىرمالارىنىڭ قىر- سىرىن ۇيرەنەدى. كەز- كەلگەن وپەراتسيانىڭ ءساتتى اياقتالۋى كومانديردىڭ ءىس- قيمىلىنىڭ دۇرىستىعىنا بايلانىستى»، - دەپ «شىعىس» وڭىرلىك قولباسشىلىعى اتاپ ءوتتى.
اۆتور: قانات مامەتقازى ۇلى
