13:44, 22 - شىلدە 2015 | GMT +5
الماتىدا جاياۋ جۇرگىنشىنى قاعىپ، قاشىپ كەتكەن جۇرگىزۋشى ۇستالدى
الماتى. قازاقپارات - الماتىدا جاياۋ جۇرگىنشىنى قاعىپ، وقيعا ورنىنان قاشىپ كەتكەن جۇرگىزۋشى ۇستالدى، دەپ حابارلادى قالالىق ءى ءى د باسپا ءسوز قىزمەتىنەن.
پوليتسيا قىزمەتكەرلەرىنىڭ ايتۋىنشا، اپات وتكەن دەمالىستا فۋرمانوۆ كوشەسىنىڭ بويىندا ورىن العان. ەر ادام العان جاراقاتىنان وقيعا ورنىندا كوز جۇمعان.
جۇرگىزىلگەن ىزدەستىرۋ جۇمىستارىنىڭ ناتيجەسىندە بوستاندىق اۋدانىنىڭ 28 جاسار تۇرعىنى ۇستالدى.
«كۇدىكتى قاس قارايعان ۋاقىتتا كوشەدە كەلە جاتقان ادامدى كورمەي قالعاندىعىن ايتتى. اتالعان دەرەك ق ر ق ك 345 جانە 347-بابى بويىنشا ءبىرىڭعاي سوتالدى تەرگەۋ ءىسى تىزىلىمىنە تىركەلدى. قازىر كۇدىكتى ۋاقىتشا ۇستاۋ وقشاۋلاعىشىنا قامالدى»، - دەدى قالالىق ءى ءى د- ىنىڭ انىقتاۋ باسقارماسىنىڭ باسشىسى رۋستام ءابدىراحمانوۆ.
اۆتور: گۇلميرا عوسمانالي
