12:50, 22 - شىلدە 2015 | GMT +5
استانانىڭ برەندىك اتاۋى بەلگىلى بولدى
استانا. قازاقپارات - قازاقستان ەلورداسىن الەمدە «استانا -ەۋرازيا جۇرەگى» برەندى بويىنشا العا جىلجىتاتىن بولادى.
بۇل تۋرالى بۇگىن استانادا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ق ر مادەنيەت جانە سپورت ءمينيسترى ارىستانبەك مۇحامەدي ۇلى ءمالىم ەتتى.
ونىڭ ايتۋىنشا، مينيسترلىك ەكسپو شاراسىنا بايلانىستى ارنايى جوسپار جاساقتادى. بۇل جوسپار بويىنشا «ەكسپو-2017» كورمەسىندە قازاقستاننىڭ الەمدەگى تاريحي جانە گەوساياسي ماڭىزى تۋرالى پرەزەنتاتسيالار وتكىزىلەدى.
«ەكسپو-2017» كورمەسى مەن حالىقارالىق جانە استانانىڭ قارجىلىق ورتالىق رەتىندەگى الەۋەتى مادەني-تۋريستىك كلاستەردى قۇرۋعا، ەلوردانىڭ جاڭا مادەني ينفراقۇرىلىمىنىڭ دامۋىنا جانە «استانا -ەۋرازيا جۇرەگى» تانىمال برەندىنىڭ قۇرىلۋىنا سەرپىن بەرەدى»، - دەيدى ا. مۇحامەدي ۇلى.
اۆتور: جاسۇلان جولدىبايەۆ
