ۆەنەتسيالىق بيەننالەدە تۇڭعىش رەت قازاقستاندىق پاۆيلون اشىلادى

استانا. قازاقپارات - ۆەنەتسيالىق بيەننالەدە تۇڭعىش رەت قازاقستاندىق پاۆيلون اشىلادى.

بۇل تۋرالى بۇگىن استانادا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ق ر مادەنيەت جانە سپورت ءمينيسترى ارىستانبەك مۇحامەدي ۇلى ءمالىم ەتتى.

«ۆەنەتسيالىق بيەننالەدە العاش رەت رەسمي تۇردە قازاقستاندىق پاۆيلوننىڭ جۇمىسى ۇيىمداستىرىلادى»، - دەپ اتاپ ءوتتى مينيستر.

ۆەنەتسيالىق بيەننالە - الەمدىك ونەر ساحناسىنىڭ ەڭ بەدەلدى فورۋمدارىنىڭ ءبىرى. ەكى جىلدا ءبىر ۇيىمداستىرىلاتىن كوركەم كورمەدە حالىقارالىق دەڭگەيدەگى قازىلار تورەلىك ەتەدى.

قاتىسۋشى مەملەكەتتەردىڭ پاۆيلوندارىندا سول ەلدىڭ ونەرىن پاش ەتەتىن دۇنيەلەر ۇسىنىلادى.

اۆتور: جاسۇلان جولدىبايەۆ