11:59, 22 - شىلدە 2015 | GMT +5
حيپ- حوپ بيلەيتىن جاستار بۋرابايدا باس قوستى
كوكشەتاۋ. قازاقپارات - كۋرورتتى بۋراباي باۋرايىنداعى «زۆەزدنىي» بالالار ساۋىقتىرۋ ورتالىعىندا وبلىستىق حالىق شىعارماشىلىعى جانە مادەني دەمالىس ورتالىعىنىڭ ۇيىمداستىرۋىمەن مادەني قايىرىمدىلىق ايلىعى اياسىندا جانە قازاقستان رەسپۋبليكاسى كونستيتۋتسياسىنىڭ 20 جىلدىعىنا وراي «جاستار ەسىرتكىگە قارسى!» اتتى وبلىستىق حيپ-حوپ فەستيۆالى ءوتتى.
بۇل تۋرالى اۋدان اكىمىنىڭ باسپا ءسوز قىزمەتىنەن حابارلادى.
اتالمىش فەستيۆالدى «زۆەزدنىي» بالالار ساۋىقتىرۋ ورتالىعىندا دەمالىپ جاتقان، ياعني، استانا قالاسى مەن قاراعاندى، پاۆلودار، سولتۇستىك قازاقستان وبلىستارىنان كەلگەن 300 دەن استام جاسوسپىرىمدەر مەن جاستار قاۋىمى تاماشالادى.
ءىس-شارانىڭ ماقساتى - ەسىرتكىنىڭ ادام دەنساۋلىعىنا زياندى ەكەنىن تۇسىندىرە وتىرىپ، جاستاردى سالاۋاتتى ءومىر سالتىنا شاقىرۋ بولىپ تابىلادى. فەستيۆالگە جينالعان جاستار كۇردەلى قيمىلدارعا تولى زاماناۋي حيپ-حوپ بيلەرىن بيلەپ، كوڭىلدەرىن كوتەردى.
