11:11, 23 - شىلدە 2015 | GMT +5
ا ق ش- تا قۇراننىڭ كونە زامانعى قولجازباسى تابىلدى
استانا. قازاقپارات - بيرمينگەم ۋنيۆەرسيتەتىنىڭ قىزمەتكەرلەرى ولاردىڭ كىتاپحاناسىندا ساقتالعان قۇران قولجازباسى پاراقتارىنىڭ الەمدەگى ەڭ كونە جازبالاردىڭ ءبىرى ەكەنىن انىقتادى، دەپ حابارلايدى BBC.
زەرتتەۋشىلەردىڭ ايتۋىنشا، ولار راديوكومىرتەك تالداۋى مۇسىلمانداردىڭ قاسيەتتى كىتابى پاراقتارىنىڭ جاسى 1300 جىلدان اساتىنىن كورسەتكەندە تاڭدانىستارىن جاسىرمادى.
بۇل دەگەنىمىز، كونە زامانعى قولجازبانى جاساعان ادامنىڭ تەوريالىق جاعىنان مۇحاممەد پايعامبارمەن كەزدەسۋى نەمەسە ونىڭ ۋاعىزدارىن تىڭداۋى مۇمكىن.
قولجازبا پاراقتارىن تاياۋ شىعىستان اكەلىنگەن باسقا مىڭداعان كونە قۇجاتتارمەن بىرگە ۋنيۆەرسيتەتكە 1920-جىلدارى تاريحشى، يراك تۋماسى الفونس مينگانا تاپسىرعان بولاتىن.
BNews.kz
