گولوۆكين امەريكالىق ءتىلشىنىڭ «بورات» تۋرالى سۇراعىنا جاۋاپ بەردى

استانا. قازاقپارات - امەريكالىق TMZSports تانىمال پورتالىنىڭ ءتىلشىسى قازاقستادىق بوكسشى گەنناديي گولوۆكيننەن كىشىگىرىم سۇحبات الدى.

رەپورتەر سپورتشىدان «بورات» فيلمىن كوردىڭىز بە؟»  دەپ سۇرايدى. گەنناديي «ءيا، كوردىم، ءبىراق بارلىق كورسەتىلگەندەر - وتىرىك» دەپ جاۋاپ قاتادى.

بوكسشىنىڭ ايتۋىنشا، فيلمدەگى ءازىل جاراسىمسىز، ال كينو كۇلكىلى ەمەس. «بۇل قازاقستان ەمەس، بۇل ناعىز قازاقستان ەمەس»، - دەيدى گەنناديي.

«ال بۇل فيلمنىڭ ەكىنشى بولىمىنە، ياعني «بورات 2» تۋىندىسىنا تۇسۋگە شاقىرسا نە ىستەر ەدىڭىز» دەگەن سۇراققا گولوۆكين قىسقا عانا «جوق، جوق» دەيدى.

 

ەسكە سالايىق، 33 جاستاعى قازاقستاندىق گەننادي گولوۆكين كاسىبي رينگتە ءبىر دە ءبىر رەت جەڭىلىپ كورمەگەن. قازىرگى ۋاقىتتا ول ا ق ش- تا جاتتىعۋ جاساپ جاتىر.