09:38, 22 - شىلدە 2015 | GMT +5
شىمكەنتتە ويىن كينوسىنىڭ ەلەمەنتتەرى قولدانىلعان العاشقى مۋلتيپليكاتسيالىق فيلم ءتۇسىرىلدى
استانا. قازاقپارات - شىمكەنتتە كومپيۋتەرلىك انيماتسيا مەن ويىن كينوسىنىڭ ەلەمەنتتەرى قولدانىلعان العاشقى مۋلتيپليكاتسيالىق فيلم ءتۇسىرىلدى، دەپ حابارلادى «حابار» تەلەارناسى.
«كۇمىس سەمسەر» ەرتەگىسىنىڭ باستى كەيىپكەرى - جاس سانجار جالعىز ءوزى ايداھار مەن مىستانعا قارسى تۇرادى. لەنتادا بارلىق ويىن رولدەرىن 14 جاسقا تولماعان بالالار وينايدى. ولار - «مەيرام» كينوستۋدياسىنىڭ وقۋشىلارى.
«ءبىز كاسىبي اكتەرلەردى شاقىرمايمىز، ءبىز ولاردى تاربيەلەيمىز»، - دەدى بالالار كينوستۋدياسىنىڭ نەگىزىن قالاۋشى مەيرامبەك ءاعادىلوۆ. ول بالالار قاتىسقان بۇل فيلمدەر ۇلكەندەر ءۇشىن دە قىزىقتى بولاتىنىن ايتتى.
بۇگىندە اكتەرلار مەكتەبىندە 40 قا جۋىق ادام ءتالىم الادى. ولارعا اكتەرلىق شەبەرلىكتى ۇيرەتەدى.
«ءبىز بالالاردىڭ مۇمكىندىگىنە، ماشىعىنا نازار اۋدارامىز. قاي وبرازدارعا جاقسى ەنەتىنىن اڭعارامىز. مۇنى كەيىن رولدەردى بەرۋ كەزىندە ەسكەرەمىز»، - دەدى قويۋشى-رەجيسسەر باقىتجان كوشەروۆ.
