ءۇندىستاندا اۋىل تۇرعىندارى سيقىرمەن اينالىسقانى ءۇشىن ايەلدىڭ باسىن الدى

استانا. قازاقپارات - ءۇندىستاننىڭ شىعىسىنداعى اسسام شتاتىنداعى اۋىلداردىڭ ءبىرىنىڭ تۇرعىندارى قارت ايەلدى دۋاگەرلىكپەن اينالىستى دەپ ايىپتاپ، باسىن شاپقان، دەپ حابارلادى جەرگىلىكتى پوليتسيا.

63 جاستاعى ايەلگە اۋىل تۇرعىندارى اراسىندا اۋرۋ تاراتتى دەگەن كىنا تاققان.

سونيتپۋر اۋدانىنداعى اۋىل تۇرعىندارى سىرقاتتانىپ قالىپ، ولاردىڭ كەيبىرەۋلەرى بۇعان پۋرني ورانگتى ايىپتاعان، دەدى جەرگىلىكتى پوليتسەي BBC اگەنتتىگىنە.

"كەيىن ولار ايەلدى ءولتىردى"، - دەدى ول.

ولىمگە قاتىسى بار دەگەن كۇدىكپەن جەتى ادام ۇستالدى. ونىڭ ىشىندە ەكى نازىك جاندى بار.

پوليتسيا اقپاراتىنشا، سوڭعى ءبىر جارىم ايدا اسسام شتاتىندا 90 عا جۋىق ادامنىڭ (نەگىزىنەن ايەلدەر) باستارى شابىلعان، سوققىعا ۇشىراپ اجال قۇشقان، ورتەنگەن. جەرگىلىكتى تۇرعىندار ولاردى سيقىرشى جانە مىستاندار دەپ ەسەپتەگەن.