ا. ايىمبەتوۆتىڭ عارىشقا ۇشۋى بايقوڭىردى جالعا بەرۋ وتەماقىسى ەسەبىنەن جۇزەگە اسىرىلۋى مۇمكىن - قازعارىش
« بۇل سوما كوممەرتسيالىق ەمەس، ءتيىمدى ۇسىنىس بولىپ تابىلادى. سەبەبى كوممەرتسيالىق باعا 50 ميلليون ا ق ش دوللارىن قۇرايدى».
اعىمداعى جىلى رەسپۋبليكالىق بيۋدجەتتەن عارىشتىق ۇشىرىلىمعا قاراجات بولىنبەۋىنە بايلانىستى قازاقستاندىق تاراپ رەسەي تاراپىنا قازاقستان رەسپۋبليكاسى مەن رەسەي فەدەراتسياسى ۇكىمەتتەرىنىڭ كەلىسىمى بويىنشا 2016 - جىلعى ۇشىرىلىم شىعىستارىنىڭ وتەماقىسىن جۇزەگە اسىرۋدى ۇسىندى.
اتاپ ايتقاندا، رەسەيلىك تاراپ كەپىل بەرە وتىرىپ، 2016 - جىلى «بايقوڭىر» عارىش ايلاعى ءۇشىن جىل سايىنعى جالعا بەرۋ تولەمى ەسەبىنەن وتەماقىنى پايدالانۋدى ۇسىندى.
«ءبىر ميلليارد ءجۇز ميلليون رۋبل سوماسىندا قازاقستاندىق عارىشكەردىڭ ۇشۋىن جۇزەگە اسىرۋ ءۇشىن رەسەي تاراپى شىعىستارىنىڭ 2016 - جىلعى وتەماقىسىنا كەپىل بەرۋ تۋرالى حات رەسەي ۇكىمەتىنە جىبەرىلدى، قازاقستان ۇكىمەتىنىڭ تاپسىرىسى بويىنشا قازىر قارجىلاندىرۋ كوزدەرى ماسەلەسى پىسىقتالۋدا»، - دەپ اتاپ ءوتتى قازعارىشتان.
