07:50, 22 - شىلدە 2015 | GMT +5
ۇيلەنۋ تويىندا سالتو جاساپ، قالىڭدىعىن ولتىرە جازدادى - كەسكىن
استانا. قازاقپارات - ۇيلەنۋ تويىنداعى وزگەشە ءبي كەزىندە جىگىتتىڭ قالىڭدىعىن ولتىرە جازداعانى تۋرالى الەۋمەتتىك جەلىگە سالىنعان بەينەروليك جۇرتشىلىق اراسىندا كەڭىنەن تانىمال بولا باستادى.
وسىدان بىرنەشە كۇن بۇرىن YouTube ۆيدەوحوستينگىندە ۇيلەنۋ تويىنداعى وقىس وقيعا جايلى قوناقتار تۇسىرگەن بەينەروليك پايدا بولعان ەدى. ونداعى كادرلاردا ۇيلەنگەن جىگىت قالىڭدىعىمەن وزگەشە ءبي ورىندايدى. ول سالتو جاساپ، قوناقتاردى تاڭداندىرعىسى كەلگەن. وبالى نەشىك، مۇنى ءاپ- ادەمى-اق جاساعان. ءبىراق ونىڭ بۇل قىلىعى جارىنىڭ ءومىرىن قيىپ كەتە جازدادى.
سوققى قاتتى تيگەن قالىڭدىق قابىرعاعا سوعىلىپ، گۇلدەر سالىنعان قۇمىرانى قاعا جەرگە قۇلاپ تۇسكەن. ءوزىن كىنالى سەزىنگەن كۇيەۋ سۇيىكتىسىن دەرەۋ كوتەرىپ الماققا ارەكەتتەنگەن. ءبىراق سالتودان كەيىن باسى اينالعان جىگىت قىزدى قولىنان ءتۇسىرىپ العان.
بۇدان سوڭ تويدىڭ قالاي اياقتالعاندىعى بەلگىسىز...
