سىبايلاس جەمقورلىققا قارسى تاقىرىپتاعى كاريكاتۋرالار بايقاۋى جاريالاندى
سىبايلاس جەمقورلىققا قارسى ءىس-قيمىل جونىندەگى رەسپۋبليكالىق قوعامدىق كەڭەسى ق ر مادەنيەت جانە سپورت مينيسترلىگىنىڭ قولداۋىمەن سىبايلاس جەمقورلىققا قارسى تاقىرىپتاعى كاريكاتۋرالار بايقاۋىن جاريالادى.
سايىسقا 18 پەن 29 جاس ارالىعىنداعى ق ر ازاماتتارى، جاستار ۇيىمدارى، شىعارماشىلىق ۇجىمدار مەن كرەاتيۆتىك ستۋديالار قاتىسا الادى.
بايقاۋعا قاتىسۋ ءۇشىن ارنايى ءوتىنىش جىبەرىپ، اتالعان تاقىرىپتاعى ماتەريال ازىرلەۋ قاجەت. اتاپ ايتقاندا، شىعارماشىلىق جۇمىستار سىبايلاس جەمقورلىققا قارسى ءىس- ارەكەتتەرگە قاتىستى ءارتۇرلى باعىتتارعا، جەمقورلىققا قارسى ءىس- ارەكەت پەن ونىڭ الدىن الۋ تاسىلدەرىمەن، جەمقورلىق كورىنىستەرىنىڭ پايدا بولۋ سەبەپتەرىن تالداۋ جانە ونى بولدىرماۋ ءۇشىن مورالدىق ۇستانىمداردى كەڭىنەن ناسيحاتتاۋعا بايلانىستى بولۋى قاجەت.
شىعارماشىلىق جۇمىستاردىڭ ەلەكتروندى نەمەسە قولدان جاسالعان نۇسقالارى قابىلدانادى. كاريكاتۋرانىڭ ەلەكتروندى نۇسقاسى 1:1 ماسشتابىندا، JPEG/TIFF فورماتىندا جاسالعان جانە 300 dpi-دان كەم ەمەس كەڭەيۋى بولۋى ءتيىس، قولمەن جاسالعان جاعدايدا پلاكات ا3 فورماتىنداعى پاراقتا ازىرلەنۋى قاجەت. پلاكاتتى جاساۋدا قولدانىلعان سۋرەت پەن كومپيۋتەرلىك گرافيكا مىندەتتى تۇردە اۆتورلىق بولۋى ءتيىس.
ۇزدىك جۇمىستار ديپلومدارمەن، اقشالاي جانە قۇندى جۇلدەلەرمەن، ماراپاتتالادى. بايقاۋدىڭ جالپى سىياقى قورى 300000 تەڭگەنى قۇرايدى. ءبىرىنشى ورىن العان جەڭىمپاز 120000 تەڭگە، ەكىنشى ورىن - 100000 تەڭگە، ءۇشىنشى ورىن - 80000 تەڭگەگە يە بولادى.
بايقاۋعا قاتىساتىن جۇمىستار 2015 -جىلعى 20 -قىركۇيەككە دەيىن prostrana@nurotan.kz ەلەكتروندى مەكەن- جايعا نەمەسە «نۇر وتان» پارتياسىنىڭ ورتالىق اپپاراتىنا (استانا قالاسى، قونايەۆ كوشەسى 12/1, 1-قابات، 104-كابينەت، پارتيالىق باقىلاۋ قىزمەتى، تەل. 77172707609+ «سىبايلاس جەمقورلىققا قارسى تاقىرىپتاعى كاريكاتۋرالار بايقاۋى» بەلگىسىمەن ۇسىنىلادى.
بايقاۋ قورىتىندىلارىن اعىمداعى جىلعى 30 -قىركۇيەككە دەيىن شىعارۋ جوسپارلانعان. بايقاۋ ەرەجەسى جانە جان- جاقتى اقپاراتپەن www.nurotan.kz (http://nurotan.kz/kz/news/10688 ) سايتىندا تانىسۋعا بولادى.
