22:53, 21 - شىلدە 2015 | GMT +5
اقمولا وبلىسىندا اۋىل اكىمىن ولتىرگەن قىلمىسكەر قۇرىقتالدى
استانا. قازاقپارات - اقمول وبلىسىنىڭ جاقسى اۋداندىق تەرگەۋ سوتى بەلاعاش اۋىلىنىڭ اكىمى يانا كرىلدى ولتىرگەن كۇدىكتىنى قاماۋعا الۋ تۋرالى ۇكىم شىعاردى دەپ حابارلادى وبلىستىق سوتتىڭ باسپا ءسوز قىزمەتى.
«قىلمىستىق كودەكستىڭ 99 بابى بويىنشا كۇدىكتى سانالاتىن باعدات باتەنوۆاعا قاتىستى تەرگەۋ تورەشىسى 2 اي مەرزىمگە قاماۋعا الۋ شەشىمىن شىعاردى. بوستاندىقتا جۇرگەن جاعدايدا كۇدىكتى ۋاقىتىلى تەرگەۋ جۇرگىزىپ، ءىستىڭ ءمان-جايىن انىقتاۋعا كەدەرگى كەلتىرۋى، سونىمەن بىرگە سوت پەن تەرگەۋدەن ءىزىن سۋىتۋى دا مۇمكىن»، - دەلىنگەن سەيسەنبىدەگى حابارلامادا.
ەسكە سالا كەتسەك، يانا كرىلعا اكىمدىك عيماراتىنداعى جۇمىس ورنىندا بىرگە تۇراتىن ەر ادام ءۇش مارتە پىشاق جاراقاتىن سالىپ، ول اۋرۋحانادا ەسىن جيماستان، كوز جۇمعان ەدى.
سونىمەن بىرگە ەر ادام ءوزىنىڭ ومىرىمەن قوش ايتىسۋعا تىرىسىپ، ءوز-وزىنە پىشاق جاراقاتتارىن دا سالعان. ول اۋداندىق اۋرۋحانادا جاتقان دا پالاتاعا كۇزەت قويىلعان.
