جاڭا ماۋسىمدا «استانا» قۇرامىندا امەريكالىق جاس باسكەتبولشى ادام ونەر كورسەتەدى

استانا. قازاقپارات - ەۋروباسكەتتىڭ ماكەدونيالىق «Feni industries» كومانداسىندا ونەر كورسەتكەن امەريكالىق جاس سپورتشى ادام كەمپ 2015/2016-جىلدارى «استانا» باسكەتبول كلۋبىنىڭ نامىسىن قورعايتىن بولادى.

كلۋب پەن باسكەتبولشى كەلىسىم-شارتقا قول قويدى. بۇل تۋرالى كلۋبتىڭ باسپا ءسوز بايانىندا حابارلانعان.

ادام كەمپ شابۋىلدى تۇيىندەي الاتىن، ۇزىن بويلى (بويى 208 سانتيمەتر)، دەنەلى سپورتشى. ول قورعانىستا دا مىقتى ويناي الادى. قارسىلاس شابۋىلىنان كەيىن دوپقا يەلىك ەتۋ كورسەتكىشى بويىنشا ماكەدونيا چەمپيوناتىنىڭ 2014/2015-جىلعى ماۋسىمىندا ۇزدىكتەر قاتارىندا بولدى.

وتكەن ماۋسىمدا ول «Feni industries» ساپىندا 25 ويىن وتكىزىپ، ورتا ەسەپپەن 1 ماتچتا 12.1 ۇپاي جيناپ وتىرعان.

ايتا كەتەيىك، «استانا» باسكەتبول كلۋبى 2011-جىلى قۇرىلعان. «استانا» پرەزيدەنتتىك كاسىبي سپورت كلۋبىنىڭ قۇرامىنا كىرەدى. ءتورت دۇركىن قازاقستان كۋبوگىنىڭ يەگەرى، ق ر ۇلتتىق ليگاسىنىڭ ەكى مارتە چەمپيونى، سوڭعى ءۇش ماۋسىم بويى قاتارىنان ۆ ت ب بىرىككەن ليگاسىنىڭ پلەي-وففىنا شىعىپ كەلەدى.