19:51, 21 - شىلدە 2015 | GMT +5
تۇركيانىڭ سۋرۋچ قالاسىندا تەراكت جاساعان قىلمىسكەردىڭ كىم ەكەنى انىقتالدى
استانا. قازاقپارات - تۇركيا پرەمەر-ءمينيسترى احمەت داۆۋتوگلۋ دۇيسەنبى كۇنى سيريامەن شەكاراداعى سۋرۋچ قالاسىندا جارىلىس ۇيىمداستىرعان ادامنىڭ كىم ەكەنىن بيلىك انىقتاعانىن مالىمدەدى، دەپ جازادى BBC.
داۆۋتوگلۋدىڭ سوزىنە قاراعاندا، قازىر قۇقىق قورعاۋ ورگاندارى جارىلىسقا تاعى كىم قاتىستى بولۋى مۇمكىن ەكەنىن قاراستىرىپ جاتىر.
تۇركيا بيلىگى سوڭعى دەرەكتەر بويىنشا 32 ادام جاپا شەككەن سيريامەن شەكاراداعى سۋرۋچ قالاسىنداعى جارىلىستى دايش («يسلام مەملەكەتى») ەكسترەميستىك توبىنىڭ مۇشەسى ۇيىمداستىردى دەپ بولجاپ وتىر.
جارىلىس سيريا اۋماعىنداعى كوباني قالاسىنا اتتانباق بولعان جاستار ۇيىمدارىنىڭ بەلسەندىلەرىنە قارسى جاسالعان بولۋى مۇمكىن.
