قازاقستان شەتەلدە وندىرىلگەن قۇس ەتىن وتكىزۋگە ۋاقىتشا تىيىم سالدى

استانا. قازاقپارات - ق ر ۇلتتىق ەكونوميكا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتى قازاقستان رەسپۋبليكاسىنىڭ اۋماعىندا الاقول وندىرۋشىلەر وندىرەتىن قۇس ەتىن وتكىزۋ ۋاقىتشا توقتاتىلعانى تۋرالى حاباردار ەتەدى.

مۇنداي شەشىم سانيتاريالىق-ەپيدەميولوگيالىق ساراپتامانىڭ ناتيجەلەرى بويىنشا مىناداي وندىرۋشىلەردەن پاتوگەندى ميكروفلورالاردىڭ (Salmonella) انىقتالۋى بويىنشا قابىلداندى:

- « مياسوپتيتسەكومبينات « بلاگودارنەنسكيي» ا ا ق- ى وندىرەتىن « بلاگويار» بالاپان ەتى (رەسەي فەدەراتسياسى، ستاۆروپول ولكەسى، بلاگودار قالاسى)؛

- « ميرونوۆسكايا پتيتسەفابريكا» جاق وندىرەتىن برويلەر بالاپان ۇشاسى (ۋكراينا، چەركاسسك وبلىسى، كانيەۆ اۋدانى، ستەپانتسى سەلوسى)؛

- « ناگايباكسكي پتيتسيەۆودچەسكي كومپلەكس» ج ش ق وندىرەتىن برويلەر بالاپان جانە برويلەر بالاپاننىڭ ءتوس ەتى (رەسەي فەدەراتسياسى، چەليابى وبلىسى، ناگايباك اۋدانى)؛

- « يۋبيلەينوە» ج ش ق وندىرەتىن «حوروشەە دەلو» برويلەر بالاپان ۇشاسى (رەسەي فەدەراتسياسى، موردوۆيا رەسپۋبليكاسى، چامزين اۋدانى، چامزينكا كەنتى).

ءتيىستى حابارلاما ەۋرازيالىق ەكونوميكالىق قاۋىمداستىق ەلدەرىنىڭ ۋاكىلەتتى ورگاندارىنا جىبەرىلدى.

تۇتىنۋشىلاردىڭ قۇقىقتارىن قورعاۋ كوميتەتى قازاقستان رەسپۋبليكاسىنىڭ بولشەك ساۋدا جەلىسىن كەدەن وداعىنىڭ تەحنيكالىق رەگلامەنتتەرىنە سايكەس كەلمەيتىن ونىمدەردى ساتۋعا جول بەرمەۋ جونىندە شارالار قابىلداۋ قاجەتتىگى تۋرالى ەسكەرتەدى جانە تۇتىنۋشىلاردى كوميتەتتىڭ دەپارتامەنتتەرىن بولشەك ساۋدا جەلىلەرىندە اتالعان وندىرۋشىلەردىڭ ونىمدەرىن وتكىزۋ فاكتىلەرى تۋرالى بەلسەندى تۇردە حاباردار ەتۋگە شاقىرادى.