شەت ەلدەگى قاراجاتتارىن جاسىرعاندارعا اكىمشىلىك جازا قاتايادى
بۇل تۋرالى بۇگىن ورتالىق كوممۋنيكاتسيالار قىزمەتىندەگى اقشالاي قاراجات پەن مۇلىكتى زاڭداستىرۋدى جەڭىلدەتۋ تاقىرىبىنداعى بريفينگ بارىسىندا قارجى ۆيتسە-ءمينيسترى ارداق تەڭگەبايەۆ ءمالىم ەتتى.
ونىڭ ايتۋىنشا، جاڭا زاڭ جوباسى ارقىلى جاريا ەتىلەتىن سۋبەكتىلەرگە ءبىرقاتار كەپىلدەندىرۋ جانە ىنتالاندىرۋ نورمالارى قامتىلادى. «اتاپ ايتقاندا، قۇقىق قورعاۋ جانە باسقا دا مەملەكەتتىك ورگاندار قىزمەتكەرلەرى تاراپىنان بولۋى مۇمكىن زاڭسىز ارەكەتتەردەن قوسىمشا قورعاۋ بولىگىندە قىلمىستىق زاڭنامانىڭ نورمالارى ناقتىلانىپ، قاتاڭداتىلادى. جاريا ەتۋ بارىسىندا الىنعان اقپاراتتى قىلمىستىق ءىس بويىنشا دالەل رەتىندە پايدالانۋعا دا تىيىم سالىنادى. سونىمەن قاتار، بىرنەشە ىنتالاندىرۋ شارالارى دا كوزدەلگەن. ماسەلەن، شەت ەلدەگى بانكتىك شوتتارىن دەكلاراتسيالاماعاندار ءۇشىن اكىمشىلىك جازا قاتاڭداتىلادى. ەكىنشىدەن، شەتەلدەگى مۇلىكتى مىندەتتى تۇردە دەكلاراتسيالاۋ تۋرالى قوسىمشا تالاپ ەنگىزىلەدى»، - دەدى ۆيتسە-مينيستر.
ونىڭ ايتۋىنشا، راقىمشىلىق تۋرالى زاڭ قولدانىسقا ەنگىزىلگەن كۇن بويىنشا سوت ۇكىمدەرىنىڭ اكىمشىلىك قۇقىق بۇزۋشىلىقتار جونىندەگى قاۋلىلارىنا سايكەس ءوز مىندەتتەمەلەرىن ورىنداعان ازاماتتارعا مۇلىكتەرىن جاريا ەتۋ مۇمكىندىگى بەرىلمەك.
اۆتور: قانات مامەتقازى ۇلى
