مەملەكەتتىك ورگاندار قوعامدىق پىكىرگە ساي جىلدام شەشىم قابىلداي الۋى ءتيىس - س. نۇربەك

استانا. قازاقپارات - ەلباسىنىڭ «100 قادام» ۇلت جوسپارى اياسىندا قۇرىلاتىن جاڭا مەملەكەتتىك اپپارات قوعامدىق پىكىردى ەسكەرە وتىرىپ، جەدەل شەشىم قابىلداي الۋى ءتيىس.

بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا «نۇر وتان» پارتياسىنىڭ قوعامدىق ساياسات ينستيتۋتىنىڭ باسشىسى، ساراپشى ساياسات نۇربەك ءمالىم ەتتى.

«بۇگىندە بەس ينستيتۋتسيونالدىق رەفورمالار اياسىندا مەملەكەتتىك ساياسات پەن مەملەكەتتىك قىزمەت جۇيەسىنىڭ جاڭا ستاندارتتارىن ەنگىزۋ ەرەكشە مانگە يە بولىپ وتىر. الەۋمەتتىك جۇيەلەردىڭ، اشىقتىقتىڭ جانە اقپاراتتىق قانىقتىقتىڭ فاكتورلارى قوعام ىشىندە ماڭىزدى بولشەككە اينالدى. مەملەكەتتىك ورگاندار قوعامدىق پىكىرگە ساي جىلدام شەشىم قابىلداي الۋى ءتيىس، تەز ارادا بولعان وقيعاعا ۇشقىر جاۋاپ قاتۋى قاجەت. ءوز ساياساتىن، زاڭدارىن جانە باستامالارىن اقپاراتتىق ساياساتتى ەسكەرە وتىرىپ، جاساۋى كەرەك. وسى نارسەلەر جاڭا مەملەكەتتىك قىزمەتكەردىڭ نەگىزىنە ەنۋى ءتيىس»، - دەدى س. نۇربەك.

ايتا كەتەيىك، ق ر پرەزيدەنتى ءوزىنىڭ «100 قادام» ۇلت جوسپارىندا مەملەكەتتىك قىزمەتكە قابىلداۋ راسىمدەرىن جاڭعىرتۋدى، مەملەكەتتىك قىزمەتكە قابىلداۋ تومەنگى لاۋازىمداردان باستالۋى ءتيىس دەگەن بولاتىن. تومەنگى لاۋازىمدارعا كانديداتتاردى رەتتەۋ جانە ودان ءارى لاۋازىمدىق ءوسۋ ىسكەرلىك قاسيەتتەر نەگىزىندە جۇزەگە اسىرىلۋى ءتيىس ەكەندىگىن دە تاپسىردى. سونىمەن قاتار، ءۇش ساتىلى ىرىكتەۋ جۇيەسىن ەنگىزۋ قاجەتتىگىن اتاپ ءوتتى.

اۆتور: جاسۇلان جولدىبايەۆ