ۇلى بريتانيا پاتشايىمىنىڭ جولىنا جاس وتباسى بوگەت بولدى - فوتو
سەبەبى، ول كەزدە جول بويىندا جاس وتباسى ەكى بالاسىمەن سەرۋەندەپ جۇرگەن ەدى. بۇل تۋرالى The Telegraph باسىلىمى حابارلادى. پاتشايىمنىڭ جولىنا توسقاۋىل بولعاندار 23 جاستاعى سكارلەت ۆينسەنت پەن 30 جاستاعى كومپانيا ديرەكتورى توبي كور ەسىمدى ەرلى- زايىپتىلار. ولاردىڭ ايتۋىنشا، باستاپقىدا وزدەرى دە ەش نارسە تۇسىنبەگەن.
Daily Mail باسىلىمىنا بەرگەن سۇحباتىندا ۆينسەنت: «كولىكتى جۇرگىزىپ كەلە جاتقان ەليزاۆەتا Ⅱ ەكەنىن بىلگەندە، ءوزىمىزدىڭ كىمنىڭ جولىنا بوگەت بولعانىمىزدى ءتۇسىنىپ، شاراسىزدىقتان كۇلىپ جىبەردىك. نەگىزى ءبىز دەمالىس كۇندەرى پاتشايىمنىڭ ۆيندزور سارايىندا بولاتىنىن بىلگەن جوقپىز. كولىككە جول بەرمەۋىمىزدىڭ سەبەبى، ونى مۇلدەم بايقامادىق. سوندىقتان جۇرگىزۋشى ءبىزدى اينالىپ ءوتتى.
سويتسەك، كولىكتى پاتشايىمنىڭ ءوزى باسقارىپ كەلە جاتىر ەكەن. بۇل كەزدە توبي بالالارمەن اۋرە بولىپ، وقيعاعا اسا ءمان بەرمەدى. ال مەن ءبىزدى اينالىپ، كوگالدى باسىپ وتۋگە ءماجبۇر بولعان ەليزاۆەتا Ⅱ ەكەنىن ايتقانىمدا، ول قاتتى تاڭ قالدى»، - دەدى. پاتشايىم - ۇلى بريتانيادا جۇرگىزۋشى كۋالىگىنسىز كولىك باسقارۋ قۇقىعىنا يە جالعىز ادام.
سونداي-اق، ساياباق قىزمەتكەرلەرىن ەسەپكە الماعاندا، تەك پاتشايىمعا عانا كولىكپەن Long Walk گۇلزارىن باسىپ وتۋگە رۇقسات بەرىلگەن.
اقپارات كوزى: «ەگەمەن قازاقستان»
