تالعات ەرمەگيايەۆتى «نۇر وتان» پارتياسىنان شىعارۋ ماسەلەسى تالقىلانۋدا
بۇل تۋرالى بۇگىن «نۇر وتان» پارتياسى استانا قالالىق فيليالى ءتوراعاسىنىڭ ورىنباسارى ساپار احمەتوۆ جۋرناليستەرگە بەرگەن سۇحباتىندا ايتتى.
«بۇل ماسەلە قازىر ت. ەرمەگيايەۆ تىركەلگەن ءبىزدىڭ «بىرلىك» اۋماقتىق فيليالىندا تالقىلانىپ جاتىر. وندا جەمقورلىققا قارسى قوعامدىق كەڭەسىنىڭ وتىرىسىنان كەيىن شەشىم شىعارىلادى. ءبىز بۇل تۋرالى قوسىمشا حابارلايتىن بولامىز»، - دەپ اتاپ ءوتتى ول.
ايتا كەتەيىك، 11 -ماۋسىمدا مەملەكەت باسشىسى نۇرسۇلتان نازاربايەۆتىڭ جارلىعىمەن تالعات ەرمەگيايەۆ «استانا ەكسپو-2017» ۇلتتىق كومپانياسىنىڭ باسقارما ءتوراعاسى قىزمەتىنەن بوساتىلعان بولاتىن.
12 -ماۋسىمدا ونى «ءۇيقاماققا» الۋ تۋرالى سوت ۇكىمى شىقتى. كۇدىكتىگە ق ر ق ك 176-بابى (سەنىپ تاپسىرىلعان بىرەۋدىڭ مۇلكىن يەمدەنۋ نەمەسە ىسىراپتاۋ) بويىنشا ايىپ تاعىلعان.
اۆتور: ءابۋ-اسقار مەكەش ۇلى
