12:12, 21 - شىلدە 2015 | GMT +5
جەڭىسبەك اساۋ ۇيرەتۋدەن موڭعوليا بىرىنشىلىگىنىڭ چەمپيونى اتاندى
استانا. قازاقپارات - موڭعوليا پرەمەر- ءمينيسترى قولداۋىمەن ۇيىمداستىرىلعان «ادۋۋچين 2015» سايىسىنا موڭعوليانىڭ تۇكپىر-تۇكپىرىنەن تاڭداۋلى جىلقىشىلار قامشى ءىلۋ، جاياۋ جانە اتپەن شالما سالۋ، قۇرىقتاۋدان جانە اساۋ ۇيرەتۋدەن باقتارىن سىنادى.
ات قۇلاعىندا وينايتىن ازاماتتار قاتىسقان سايىس تارتىستى ءوتتى. اتالعان سايىسقا بايان-ولگي ايماعىنىڭ اتاعى مەن ابىرويىن قورعاۋعا اتتانعان ساگساي سۇمىندىق جىلقىشى سەرىك ۇلى جەڭىسبەك اساۋ ۇيرەتۋدەن قارسىلاستارىنان وزىپ، ەل بىرىنشىلىگىنىڭ چەمپيونى اتاندى.
سەرىك ۇلى جەڭىسبەكتىڭ ەل بىرىنشىلىگىندە چەمپيون اتانۋىنا وراي بۇگىن ايماق اكىمى دارمەن قۇزىكەي ۇلى قۇتتىقتاۋ حاتىن جولدادى.
ەستەرىڭىزگە سالا كەتسەك، وتكەن جىلعى ەل بىرىنشىلىگىندە نوگووننۋۋرلىق م. جەڭىسبەك وسى اساۋ ۇيرەتۋ سايىسىندا توپ جارعان بولاتىن.
