رەسەيگە شياڭگاڭنان ۇشىپ كەلگەن لاينەر بورتىندا توبەلەس بولدى

استانا. قازاقپارات - رەسەيگە گونكونگ- ۆلاديۆوستوك باعىتى بويىنشا ۇشىپ جەتكەن لاينەردىڭ جولاۋشىلارى توبەلەسىپ قالدى.

ولاردىڭ نەلىكتەن جاعا جىرتىسقانى ازىرگە ناقتى بەلگىسىز. ءبىراق وقيعا ورنىنان تۇسىرىلگەن روليكتەن جانجالدى ەر ادامنىڭ باستاعانىن كورۋگە بولادى، دەپ حابارالايدى informing.ru. اقىرى بۇزاقىنى ساباسىنا ءتۇسىرۋ ءۇشىن توپتان بىرەۋ شىعىپ، ونى سۇلاتىپ تۇسىرگەن.

مۇنان سوڭ دا باسىلا قويماعان جولاۋشىنى كوپشىلىك جابىلىپ، قاۋىپسىزدىك بەلدىگىمەن جانە جابىسقاق لەنتامەن اياق-قولىن بايلاپ تاستاعان.

ال «ۆوستوك- مەديا» اگەنتتىگىنىڭ حابارلاۋىنشا، گونكونگتەن ۇشىپ شىققان S7 Airlines جانە Cathay Pacific كومپانياسىنىڭ ۇشاعى ۆلاديۆوستوك جەرىنە ۋاقىتىلى قونعان.

24.kz