10:44, 21 - شىلدە 2015 | GMT +5
قىتاي قازاقستاننان الاتىن ءجۇن كولەمىن ارتتىرماق
استانا. قازاقپارات - قىتاي قازاقستاننان الاتىن ءجۇن كولەمىن ارتتىرماق بيىل قىتايعا شەتەلدەن قۇنى 2 ميلليون دوللاردان اساتىن 2700 توننا ءجۇن كىرگىزىلگەن.
بۇل الدىڭعى جىلعا قاراعاندا ەكى جارىم ەسە ارتىق. ونىڭ باسىم بولىگى ورتالىق ازيا مەملەكەتتەرىنە تيەسىلى. سونىڭ ىشىندە قازاقستان ەڭ ۇلكەن ءجۇن ەكسپورتتاۋشى سانالادى، دەيدى قىتايلىق ماماندار.
رەسمي دەرەكتەر بويىنشا قىتاي الەمدەگى ەڭ كوپ ءجۇن تۇتىناتىن ەل. «قازاقستاننان قىتايعا ءجۇن ەكسپورتىنىڭ ارتۋى ەكى ەل اراسىنداعى تاۋار اينالىمىنىڭ كولەمىن ارتتىرادى، سونىمەن قاتار كولىك ينفراقۇرىلىمىنىڭ دامىۋنا دا زور ىقپالىن تيگىزەدى»، دەيدى ماماندار.
«قازاقستان» ارناسى
