حاۋا انامىز - الەمدەگى ەڭ سۇلۋ ايەل

استانا. قازاقپارات - ول ۇيقىدا جاتقان كەزدە اللا تاعالا ونىڭ سول جاق قابىرعاسىنىڭ ءبىرىن الىپ، سۇيەكتى ەتپەن قاپتايدى.

ودان حاۋا انامىزدى جاراتادى. قۇراندا بىلايشا كورىنىس تابادى: «ەي، ادامدار! سەندەردى ءبىر كىسىدەن(ادام اتادان) جاراتقان جانە ودان جۇبايىن(حاۋا انانى) جاراتىپ، ول ەكەۋىنەن كوپتەگەن ەر، ايەلدەر تاراتقان راببىلارىڭنان قورقىڭدار» /1/، - دەگەن.

جالعىزسىراعان ادام اتاعا حاۋا انانى سىيلادى. ۇيقىسىنان ويانعاندا سومدالعان سۇلۋ ءمۇسىندى كورىپ، ادام تاڭىرقاي قالىپ، «نە ءۇشىن جاراتىلدىڭ؟» - دەگەن سۇراعىنا، حاۋا انامىز: «سەنىمەن تۇرۋ ءۇشىن»، - دەپ جاۋاپ بەرگەن ەكەن.

ال ارداقتى پايعامبارىمىز ﷺ ايتادى: «كىم اللاعا جانە قيامەت كۇنىنە سەنەتىن بولسا، ءبىر ءىستى كورگەندە دۇرىسىن ايتسىن نەمەسە ۇندەمەسىن جانە ايەلدەرگە دۇرىستىقتى وسيەت ەتىڭدەر، ويتكەنى ايەل قابىرعادان جاراتىلدى. ال قابىرعالاردىڭ ەڭ قيسىعى جوعارعىسىندا. ەگەر ونى تۇزەيتىن بولساڭ سىندىرىپ الاسىڭ. ال تاستاپ قويساڭ، قيسىق قالپىندا قالادى. سول ءۇشىن ايەلدەرگە تۋرالىقتى، جاقسىلىقتى، قايىرلى ءىستى وسيەت ەتىڭدەر»، /2/ - دەگەن.

حاۋا انامىزدىڭ ەسىمى ارابتىڭ «حاي» «ءتىرى» دەگەن سوزىنەن تۋىنداعان. بۇل حاۋا انانىڭ ءتىرى نارسەدەن جاراتىلعاندىعىن مەڭزەيدى.

حاۋا انامىز ادامزات تاريحىنداعى سىمباتتى دا سۇلۋ ەڭ كورىكتى ايەل جانە ادامزات جاراتىلعاننان قيامەت كۇنىنە دەيىن ەڭ سۇلۋ ايەل بولىپ قالاتىندىعىن ايتقان.

[1] قۇران كارىم، نيسا 1

[2] بۇحاري 16/184/4787