برازيلياداعى تيەتە وزەنىنىڭ كوبىگى سان-پاۋلۋ كوشەلەرىن باسىپ قالدى - فوتو

استانا. قازاقپارات - برازيلياداعى سان- پاۋلۋ قالاسىنىڭ كوشەلەرىن تيەتە وزەنىنەن سىرتقا تولاسسىز اقتارىلا شىققان كوبىكتەر باسىپ قالدى، دەپ حابارلايدى billionnews.ru.

كوبىكتەردەن شىققان جاعىمسىز ءيىس تۋريستەردى دە، جەرگىلىكتى تۇرعىنداردى دا ءابىرجىتىپ جاتىر.

شاماسى، اق كوبىك تيەتەنىڭ جوعارى جاعىندا ورنالاسقان سۋ- ەلەكتر ستانساسىنان شىققان قالدىق سۋلاردىڭ وزەنگە قۇيىلۋىنان پايدا بولسا كەرەك. سونداي-اق وسى كەلەڭسىز جاعداي كەيىنگى كەزدەرى وزەن سۋىنىڭ قاتتى لاستانعانىنا ايعاق بولىپ وتىر.