19:20, 20 - شىلدە 2015 | GMT +5
قىلمىستىق اتقارۋ جۇيەسى قىزمەتكەرلەرى ازاپتادى دەپ جالعان مالىمدەمە جاساعان ازامات قىلمىستىق جاۋاپكەرشىلىككە تارتىلدى
استانا. قازاقپارات - بۇگىن استانا قالاسىنىڭ الماتى اۋداندىق سوتىندا تەرگەۋ امالدارى ۋاقىتىندا ۋاقىتشا ۇستاۋ يزولياتورلارىنا قامالعان كەزىندە قىلمىستىق اتقارۋ جۇيەسى قىزمەتكەرلەرى ازاپتادى دەپ مالىمدەمە جاساعان ادامعا قاتىستى سوت وتىرىسى ءوتتى.
بۇل تۋرالى ق ر ءى ءى م ق ا ج كوميتەتىنىڭ باسپا ءسوز قىزمەتىنەن حابارلادى.
«سوتتا وتكەن جىلدىڭ ءساۋىر ايىندا استانا قالاسىنىڭ تەرگەۋ وقشاۋلاعىشىندا بولعان 25 جاستاعى كۇدىكتى مەكەمە قىزمەتكەرلەرىنە ءتىل تيگىزىپ، ولاردى قاقتىعىسقا ازعىرعان. سونىمەن قاتار، قاماۋدا وتىرعانداردى قىزمەتكەرلەردىڭ ايتقانىن ەلەمەۋگە ۇگىتتەگەن. كەيىن ءوزى ادەيى باسىن قابىرعاعا ۇرىپ، مەكەمە قىزمەتكەرلەرى ءجابىر كورسەتتى دەپ كىنالاپ، پروكۋراتۋراعا شاعىم جازعان. پروكۋراتۋرا تەرگەۋ جۇرگىزىپ، انىق -قانىعىن ءبىلدى»، دەلىنگەن حابارلامادا.
