الەم تاتارلارى بەلدەسۋ كۇرەسىنەن شەبەرلىك سىناسادى

استانا. قازاقپارات - انگليا، قازاقستان، فرانسيا، رەسەي، ۋكراينا تاتارلارى تۇمەن وبلىسى توبولسك قالاسىندا ءسىبىر تاتارلارىنىڭ تاريحي- مادەني مۇراسىنىڭ دۇنيەجۇزىلىك فەستيۆالىندە بەلدەسۋ كۇرەسى بويىنشا كۇش سىناسادى، دەپ جازدى ت ا س س.

«فەستيۆال 7-9 -تامىزدا ءسىبىر حاندىعىنىڭ ەجەلگى استاناسى - توبولسك قالاسىندا وتەدى. وعان ءار ەلدەن 2 مىڭعا جۋىق ءسىبىر تاتارلارى قاتىسادى»، - دەدى ۇيىمداستىرۋشىلار.

«قارسىلاستار اراسىنداعى ايقاس 4 مينۋتقا، سونىڭ ىشىنە جاسوسپىرىمدەر اراسىندا - 3 مينۋتقا سوزىلادى. «بەلدەسۋ وليمپيادالىق جۇيەمەن وتەدى»، - دەدى فەستيۆال ۇيىمداستىرۋشىلارى.

بۇدان باسقا، فەستيۆالدە بايگە، ءسىبىر تاتارلارىنىڭ ۇلتتىق اسحاناسى، ۇلتتىق شەبەرلەر بايقاۋى، «يگراي گارمون» بايقاۋى وتەدى.

فەستيۆال قاتىسۋشىلارى گراموتا، لاۋرەاتتارى - باعالى سىيلىقتار مەن ديپلومدار الادى. كورەرمەن كوزايىمى جۇلدەسى دە كوزدەلگەن.