بۋراباي كۋرورتىندا ءبىرىنشى جەلكەندى ماۋسىم اشىلدى - فوتو
وبلىستىق تۋريزم باسقارماسىنىڭ مۇرىندىق بولۋىمەن «Rixos Borovoe» قوناق ءۇي كەشەنىنىڭ اۋماعىندا وتكەن سالتاناتتى شاراعا رەسەي جانە ەلىمىزدىڭ ءار وڭىرىنەن كەلگەن ياحتاشىلار مەن قوناقتار قاتىستى.
ولاردىڭ اراسىندا ق ر اسكەري- تەڭىز كۇشتەرىنىڭ وكىلدەرى، حالىقارالىق جەلكەندى رەگات قاتىسۋشى، كايتسيرفينگتەن سپورت شەبەرى الەكساندر پارحومەنكو جانە جەلكەندى سپورتىنان رەسەي چەمپيوناتىنىڭ قولا جۇلدەگەرى ءارى جەرلەسىمىز سەرگەي ۆورونوۆ ءتارىزدى تانىمال سپورتشىلار بولدى.
شارا اياسىندا «Burabay Marine Club» ياحتا كلۋبى اشىلىپ، ءبىرىنشى جەلكەندى رەگات باستاۋ الدى. وعان قازاقستان مەن رەسەيدەن 20 جۋىق سپورتشىلار قاتىستى. جارىس قورىتىندىسىنا ساي ءبىرىنشى ورىندى ولگي ليل باستاعان رەسەيلىك كوماندا جەڭىپ السا، ەكىنشى ورىنعا الەكساندرا پارحومەنكو جەتەكشىلىك ەتەتىن كوكشەتاۋلىقتار لايىق دەپ تانىلدى. ال جۇلدەلى ءۇشىنشى ورىن سەرگەي ۆورونوۆا باستاعان ەكىنشى كوكشەتاۋلىق كومانداعا بۇيىردى.
سونىمەن قاتار، جارىسقا قاتىسقان وزگە دە كوماندالار مەن بەلسەندى سپورتشىلار العىس حات جانە ارنايى ديپلومدارمەن ماراپاتتالدى.
