حالىقارالىق فۋتبول فەدەراتسياسىنىڭ جاڭا پرەزيدەنتىن سايلايتىن ۋاقىت بەلگىلى بولدى
بۇل تۋرالى ۇيىمنىڭ باسپا ءسوز قىزمەتىنەن حابارلادى.
دۇيسەنبى كۇنى تسيۋريحتە ف ي ف ا اتقارۋشى كوميتەتىنىڭ كەزەكتەن تىس وتىرىسى ءوتتى. وندا فيفا پرەزيدەنتىنىڭ كەزەكتەن تىس سايلاۋى وتەتىن مەرزىم انىقتالدى. سايلاۋعا دەيىن 1998 -جىلدان ۇيىمدى باسقارىپ كەلە جاتقان يوزەف بلاتتەر فيفا باسشىسى مىندەتىن اتقارادى، دەپ حابارلادى ت ا س س.
ۇيىم رەگلامەنتى بويىنشا، ف ي ف ا پرەزيدەنتى سايلاۋىنا قاتىسۋعا ءۇمىتتى كانديداتتار وتىنىشتەرىن 26 -قازانعا دەيىن تاپسىرۋى ءتيىس.
سەنبى كۇنى «اس» يسپانيالىق باسىلىمى ەۋروپالىق فۋتبول قاۋىمداستىعى وداعىنىڭ (ۋ ە ف ا) باسشىسى ميشەل پلاتيني بۇل لاۋازىمعا ءوز كانديداتۋراسىن ۇسىناتىنىن حابارلانعان.
وسىعان دەيىن بۇل لاۋازىمعا بۇرىنعى فرانسۋز فۋتبولشىسى داۆيد جينولا، س س ك ا- نىڭ بۇرىنعى باس باپكەرى برازيليالىق زيكو، ارگەنتينا قۇراماسىنىڭ شابۋىلشىسى بولعان ديەگو مارادونا، يوردانيا حانزاداسى الي بين ال- حۋسەين، ليبەريا فۋتبول قاۋىمداستىعىنىڭ پرەزيدەنتى مۇسا بيليتي، بۇرىنعى ف ي ف ا ۆيتسە- پرەزيدەنتى، وڭتۇستىك كورەيالىق چون موندجۋن نيەت بىلدىرگەن.
