10:51, 20 - شىلدە 2015 | GMT +5
قازاقستان ءۇش ەلمەن جۇك تاسىمالى سالاسىندا ءتيىمدى ىنتىماقتاستىققا قول جەتكىزبەك
استانا. قازاقپارات - قازاقستان، قىرعىزستان، ازەربايجان، تۇركيا ءتورت ەل اراسىنداعى قۇرامداس جۇك تاسىمالى تۋرالى قۇجاتتىڭ باستاپقى ءماتىنىن كەلىستى.
بۇل تۋرالى ازەربايجان كولىك مينيسترلىگىنىڭ سايتىنداعى حابارلامادا ايتىلدى.
تۇركى تىلدەس ەلدەردىڭ ىنتىماقتاستىعى جونىندەگى كەڭەس اياسىندا كولىكتى دامىتۋ جونىندەگى جۇمىس توبىنىڭ VII وتىرىسى ىستامبۇلدا وتكەنى اتاپ وتىلەدى.
«وتىرىستىڭ كۇن تارتىبىندە «شىعىس-باتىس» ءدالىزىنىڭ اياسىندا كەڭەسكە مۇشە ەلدەر اراسىنداعى مۋلتيمودالدىق تاسىمالدى جەدەلدەتۋ ماسەلەلەرى، ولاردىڭ اۋماقتارىندا ىسكە اسىرىلىپ جاتقان باسىم كولىك جوبالارى، كولىك سالاسىنداعى ءتيىمدى ىنتىماقتاستىق پەرسپەكتيۆالارى قارالدى»، - دەلىنگەن حابارلامادا.
