09:55, 20 - شىلدە 2015 | GMT +5
قازاقستاندىق بوكسشىلار ساماراداعى حالىقارالىق تۋرنيردە باق سىنايدى
استانا. قازاقپارات - كەلەسى اپتادا رەسەيدىڭ سامارا قالاسىندا ەكى دۇركىن وليمپيادا چەمپيونى ولەگ سايتوۆتىڭ جۇلدەسىنە بوكستان حالىقارالىق تۋرنير باستالادى، دەپ حابارلادى سامارا تەحنيكالىق ۋنيۆەرسيتەتىنىڭ سايتىندا.
وڭىرلىك سپورت مينيسترلىگىنىڭ قولداۋىمەن «پوليتەح-سامتۋ» بوكسشىلار كلۋبىنىڭ باستاماسى بويىنشا وتكىزىلەتىن تۋرنيرگە قازاقستان، ازەربايجان، رەسەي، يرلانديا وكىلدەرى قاتىسادى.
شارشى الاڭدا بارلىعى 60 قا جۋىق بوكشسى باق سىنايدى. تۋرنيردىڭ قۇرمەتتى قوناقتارى - بوكس بويىنشا وليمپيادا چەمپيونى گايداربەك گايداربەكوۆ، وليمپيادالىق ويىندار جۇلدەگەرى رايىمكۋل مالاحبەكوۆ، الەمنىڭ، ەۋروپانىڭ بىرنەشە دۇركىن چەمپيونى ەۆگەني ماكارەنكو.
23- شىلدەدە اشىلاتىن تۋرنير سامارا مەملەكەتتىك تەحنيكالىق ۋنيۆەرسيتەتىنىڭ سپورت كەشەنىندە وتەدى.
