16:31, 19 - شىلدە 2015 | GMT +5
استانا شاباندوزىنىڭ اقشاسى مەن كوزىلدىرىگى ۇرلاندى
استانا. قازاقپارات - «استانا» كومانداسىنىڭ ۆەلوشاباندوزى ۆينچەنتسو نيباليدىڭ قوناق ۇيدەگى بولمەسىنەن قىمبات زاتتارى مەن اقشاسى ۇرلاندى، دەپ حابارلايدى Sports.kz.
«بىرنەشە كوماندا وتەلگە ريزا بولمادى، سەبەبى ونىڭ دايىندىعى ناشار. ەڭ سوراقىسى، ۆينچەنتسو تاڭعى اسقا كەتكەندە بولمەسىنەن 500 ەۋروسى مەن 2014 -جىلى جەڭىسكە جەتكەن «تۋر دە فرانس» تۋرنيرىندە تاققان كۇن ساۋلەسىنەن قورعايتىن كوزىلدىرىگى ۇرلاندى»، دەپ حابارلادى بريتانيالىق جۋرناليست ريچارد مۋر.
