15:54, 19 - شىلدە 2015 | GMT +5
الداعى دۇيسەنبىدە ۆاشينگتوندا كۋبا ەلشىلىگى اشىلادى
استانا. قازاقپارات - 20 -شىلدەدە ەكى ەل اراسىنداعى قارىم- قاتىناس قالپىنا كەلتىرىلەدى، ال گاۆانا مەن ۆاشينگتونداعى مۇددەلەر سەكتسياسى ەلشىلىكتەر بولىپ قۇرىلادى، دەپ مالىمدەدى امەريكالىق سىرتقى ساياسي ۆەدومستۆو باسشىسىنىڭ ورىنباسارى.
سالتاناتتى راسىمگە قاتىساتىن ۇلتتىق كۋبالىق دەلەگاتسيانى سىرتقى ىستەر ءمينيسترى برۋنو رودريگەس پارريليا باسقارادى.
كۋبا ەلشىلىگى كۋبانىڭ بۇرىنعى ديپلوماتيالىق وكىلدىگى ورنالاسقان جەردە اشىلعالى وتىر.
شاراعا كۋبا مەن ا ق ش اراسىنداعى قارىم- قاتىناستىڭ جاقسارۋىنا ۇلەس قوسقان بەس جۇزگە جۋىق ادام شاقىرىلدى.
