سولتۇستىك قازاقستاندىق اگرونوم ەۋروپانى تاڭ قالدىردى

استانا. قازاقپارات - اندرەي سترەلەتس جاۋىن قۇرتىن ءوسىرىپ، ولاردان تابيعي تازا تىڭايتقىش الىپ وتىر.

بيوگۋمۋس قولدانىلعان القاپتاردان الىناتىن ءونىمنىڭ ساپاسى جوعارى ءارى ەكولوگيالىق تۇرعىدا تازا. وسىنىڭ ارقاسىندا ەڭبەكقور ازامات بيىل ءبىر گەكتار القاپتان 60 توننا كارتوپ جيناپ العىسى كەلەدى.

فەدور بابيننىڭ شارۋاشىلىقتا قۇرت وسىرۋمەن اينالىسىپ جۇرگەنىنە 3-4 جىلدىڭ ءجۇزى بولعان. جاندىكتەردى باعىپ، جۇيەكتەرگە ۋاقىتىندا سۋ قۇيۋ -  ازاماتتىڭ باستى مىندەتى.

سەبەبى تىنىمسىز ەڭبەكتەنەتىن جاۋىن قۇرتىنا ەرەكشە كۇتىم كەرەك ەكەن.

فەدور بابين، شارۋاشىلىق مەنەدجەرى:

- تەزەكتىڭ ءبىر قاسيەتى -  تەز نىعىزدالادى. سوندىقتان ءبىز ونى كۇن سايىن قوپسىتىپ وتىرامىز. ويتپەگەن جاعدايدا قۇرتتارعا ورمەلەۋ قيىنعا سوعادى. «ۆالاديمير ستاراتەلى» دەپ اتالاتىن قىزىل قۇرتتىڭ ارتىقشىلىقتارى كوپ. ياعني بۇلار مالدىڭ قيىن كادەگە جاراتادى. سونداي-اق تابيعي تىڭايتقىشتى كوپتەپ بەرەدى. ونىڭ ۇستىنە ولار جىلدام كوبەيۋ مۇمكىندىگىنە يە. ءبىر ميلليون جاۋىن قۇرتىن الەكساندر سترەلەتس وسىدان 4 جىل بۇرىن رەسەيدەن ارنايى ساتىپ اكەلگەن.

بۇگىندە ولاردىڭ سانى 80 ميلليونعا جەتىپتى. تىڭ جوبامەن اينالىسا باستاعالى ازاماتتىڭ جۇمىسى دا العا باسقان. قازىر اندرەي وزگەلەرگە بىلگەنىن ۇيرەتۋدە.

اندرەي سترەلەتس، جەكە كاسىپكەر:

- مەن وسى كۇنگە دەيىن الەمنىڭ ءىرى قالالارىنا بارىپ، وسىنداي التى ءىرى كاسىپورىندا بولدىم. بۇل پروتسەسس ولاردا وتە جاقسى دامىعان. دەي تۇرعانمەن، ولارعا ءبىز قالدىقتاردى قايتا وڭدەپ تىڭايتقىش الاتىنىمىزدى ايتقاندا، ول جاقتاعىلار بىزگە تاڭ قالدى. ءتىپتى سەندەر 10-15 جىل الدا كەلە جاتىرسىزدار، - دەدى ماعان.

اندرەي سترەلەتس الداعى ۋاقىتتا سۇيىق بيوگۋمۋس وندىرەتىن زاۋىت اشۋدى جوسپارلاپ وتىر. جوبا قۇنى 350 ميلليون تەڭگە. ول ءۇشىن قازاقستاندىق ينۆەستورلار ينۆەستيتسيا سالماق. جاڭا ءوندىرىس ورنى ىسكە قوسىلسا، 30 عا جۋىق ازامات تۇراقتى تابىس كوزىمەن قامتاماسىز ەتىلەتىن بولادى.

www.24.kz