ەسكەرتۋدى ەلەمەگەن ەكى قاباتتى اۆتوبۋستىڭ توبەسى سىپىرىلىپ قالدى

استانا. قازاقپارات - وتكەن تۇندە لوندوننىڭ وڭتۇستىگىندە ەكى قاباتتى اۆتوبۋس كوپىرگە سوعىلىپ، جەتى جولاۋشى جاراقاتتاندى. ال كولىكتىڭ توبەسى قاتتى قيرادى.

ر ي ا نوۆوستي حابارلاعانداي، جۇرگىزۋشى كوپىردە ءىلىنىپ تۇرعان، ونىڭ استىمەن ەكى قاباتتى اۆتوبۋستاردىڭ وتۋىنە تىيىم سالىنعانىن بىلدىرەتىن بەلگىنى ەلەمەگەن.

جاپا شەككەندەردىڭ بارلىعى كولىكتىڭ ەكىنشى قاباتىندا وتىرعاندار. تورتەۋى اۋرۋحاناعا جەتكىزىلدى.