م س سايلاۋبەك ەندى جارناما «جۇلدىزى» بولۋى مۇمكىن

استانا. قازاقپارات - عالامتور جۇلدىزىنا اينالعان «م س سايلاۋبەك» ەندى جارنامالارعا تۇسە باستادى.

ۆيدەولاردىڭ ءبىرى عالامتورعا شىعىپ ۇلگەردى، دەپ جازادى baistars.kz.

اياق كيىم دۇكەنىنىڭ ەكى جىلدىق مەرەكەسىنە وراي رەپەر ەرەكشە كومپوزيتسيالارىنىڭ ءبىرىن ورىنداعان.

ەستەرىڭىزگە سالا كەتسەك، سايلاۋبەكتىڭ ەڭ العاشقى ۆيدەوسى 2015 -جىلدىڭ اقپان ايىندا شىققان. كەيىننەن عالامتوردا جاڭا جۇلدىزعا نەمەسە بارلىعى MC دەپ اتاعان سايلاۋبەككە بايلانىستى «كۇلكىلى» ۆيدەولار مەن پاروديالار كوپ تارالا باستادى.

سونىمەن قاتار «ۆكونتاكتە» الەۋمەتتىك جەلىسىندە رەپەردىڭ جانكۇيەرلەر پاراقشاسى اشىلدى. ال «وردا» توبى سايلاۋبەكتى كونسەرتتە وزدەرىمەن بىرگە ونەر كورسەتۋگە شاقىردى.

قازىرگى تاڭدا قازنەت قولدانۋشىلارى ەكى ءتۇرلى پىكىردە. ءبىرى اتىراۋلىق رەپەردىڭ ونەرىنە ءتانتى، ال ەكىنشى جاق پسيحيكالىق اۋرۋمەن اۋىراتىن ادامدى ەلدەر مازاق ەتىپ جۇرگەنىنە اشۋلى.