عالىمدار جاس ءوسپىرىم تاربيەسىندەگى قاراپايىم ولقىلىقتى مىقتاپ ەسكە سالدى
عىلىمي جۇمىستىڭ ەرەكشەلىگى، بارلىق قاتىسۋشىلار از قامتىلعان وتباسىنان شىققان بالالار بولدى. عالىمدار ولارمەن قوبالجۋ، كۇيزەلىستەن شىعۋ تۋرالى ساۋالدار توڭىرەگىندە سويلەسىپ، تاربيە جۇمىسىنداعى قاراپايىم ءتاسىلدى عىلىمي تۇردە دالەلدەپ بەردى، دەپ جازادى The Daily Mail.
عالىمداردىڭ ايتۋىنشا، زەرتتەۋ جۇمىسى بارىسىندا ەر بالالار كۇيزەلىستەن شىعۋ ءۇشىن ءبىر ادال دوسى كەرەك ەكەنىن ايتسا، قىزدار كوبىنەسە جاقىن دوسى، قۇربىسى بولا تۇرا ەسىرتكى قابىلداپ، ىشىمدىك ءىشىپ قايعىسىن جەڭىلدەتۋگە تىرىسقانىن ايتىپ بەرگەن.
مامانداردىڭ ايتۋىنشا، قىز بالالار قيىنشىلىققا كەزىكسە، كوبىنە ءوزىن كىنالى سانايدى، ال، ەر بالالار ءوزىن كىنالى ساناعاننان گورى قيىندىقتى جەڭۋدىڭ باسقا تاسىلدەرىن قاراستىرادى. مۇنداي دا وتباسىنىڭ قولداۋى دا ماڭىزدى.
ويتكەنى، الەۋمەتتىك جاعىنان از قامتىلعان وتباسىنان شىققان جاستار اقشالى وتباسىلاردىڭ بالالارىنا قاراعاندا، مۇمكىندىكتەرى از، دەنساۋلىقتارى ناشارلاۋ كەلەدى.
سوندىقتان، ونداي دا جاقىن دوستىڭ كەرەكتىگىن ۇمىتپاۋ كەرەك. سوندا عانا ولاردىڭ وزىنە سەنىمى كۇشەيەدى. بۇل تەك، كەدەي بالالار ءۇشىن عانا ەمەس، بارشاسىنا دا ورتاق دەگەن عالىمدار بالانىڭ تياناقسىز، ءار ورتادا ءبىر جۇرگەنىن تىيىپ، ءبىر جاقىن دوسىمەن سىرلاس بولۋعا ۇيرەتۋ كەرەك دەگەن تۇجىرىم جاساعان.
