قازاقستاندىق دەسانتشىلار مىقتىلار اتاعى ءۇشىن كۇرەستە باق سىنايدى - فوتو
اتاپ ايتقاندا، ۇزدىك اتاق ءۇشىن كۇرەستە ق ر قارۋلى كۇشتەرىنىڭ بەتكە ۇستار پاراشيۋتتى- دەسانتتىق (دەسانتتى- شابۋىلداۋ) بولىمشەلەرى سىنعا تۇسەدى، دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
دەسانتتىق بياتلونعا 32363, 18404, 61993, 12740, 29108 اسكەري بولىمدەرىنىڭ اسكەري قىزمەتشىلەرى قاتىسادى. جارىستىڭ باعدارلاماسىنا سايكەس دەسانت پاراشيۋتتەرىن توسەۋ، باعدارلاۋ جانە اسكەري توپوگرافيا (كۇندىزگى ۋاقىتتا كوزدەۋ ارالىعى بويىنشا ءجۇرىس)، اسكەري- مەديتسينالىق دايارلىق بويىنشا بىرنەشە تەكسەرىلگەن نورماتيۆتەرىن تاپسىرۋ قاجەت. سونىمەن بىرگە وزدەرىنىڭ كاسىبي بىلىمدەرى مەن جاۋىنگەرلىك ەپتىلىگىن كورسەتپەك. جاۋىنگەرلەر بەرىلگەن اۋماققا دەسانت تۇسىرەدى. ۇيىمداسقان جيىننان جانە بەرىلگەن تاپسىرمانى العاننان سوڭ شارتتى رادياتسيالىق، حيميالىق زاقىمدالعان ايماقتاردى يگەرە وتىرىپ جاياۋ شەرۋ، جاۋىنگەرلىك اتىستى ورىنداپ، تۇنگى رەيد، سونداي- اق قيىلىسقان جەرلەر مەن تاۋلى ايماقتار بويىنشا شەرۋ جاسايتىن بولادى.
ءۇندىستان قارۋلى كۇشتەرىنەن كەلەتىن حالىقارالىق دارەجەدەگى تاۋەلسىز باقىلاۋشىلار جارىس بارىسىن بارىسىن قاداعالاپ وتىرادى.
