نەتانياحۋ ابباسپەن تەلەفون ارقىلى بەيبىتشىلىكتى ورناتۋ ماسەلەسىن تالقىلادى

 استانا. قازاقپارات - يزرايلدىق پرەمەر- مينيستر بينيامين نەتانياحۋ پالەستينا پرەزيدەنتى ماحمۋد ابباسقا تەلەفون شالدى، دەپ جازدى The New York Times.

بۇل ءبىر جىلدان استام ۋاقىتتاعى ەكى كوشباسشىنىڭ تەلەفون ارقىلى العاشقى سويلەسۋى.

 نەتانياحۋ كەڭسەسى تاراتقان حابارلامادا پرەمەر ابباسپەن اڭگىمەلەسۋ بارىسىندا «يزرايل ازاماتتارى بەيبىتشىلىكتى قالايتىنىن» جانە «يزرايل ايماقتا تۇراقتىلىقتى ورناتۋعا تالپىناتىنىن» ايتقانى تۋرالى جازدى.

 ءوز كەزەگىندە، پالەستينا باسشىسى جىلدىڭ سوڭىنا دەيىن بەيبىت كەلىسىمىنە قول جەتكىزۋ ماڭىزدى ەكەنىن ايتتى.