قازاقستاننىڭ قارۋلى كۇشتەرى وقۋ- جاتتىعۋ دابىلى بويىنشا كوتەرىلدى - فوتو
ق ر قورعانىس ءمينيسترى يمانعالي تاسماعامبەتوۆتىڭ جەكە باقىلاۋىمەن ەلىمىزدىڭ اسكەري باسقارۋ ورگاندارى مەن قارۋلى كۇشتەر اسكەرلەرىنىڭ جاۋىنگەرلىك ازىرلىگى ىسكە اسىرىلدى. بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.
ءىس- شارانى اۋقىمدى ورىنداۋ ءۇشىن رەسپۋبليكالىق جەدەل شتاب قۇرىلعان بولاتىن. قارۋلى كۇشتەردەن قارۋ- جاراقتارمەن جانە اسكەري تەحنيكالارمەن قاتار جەكە قۇرامنان 500 دەن استام ادام، سونداي- اق بەرىلگەن اۋدانعا بىرىككەن كۇشتەر مەن زاتتاردى جونەلتۋ ءۇشىن ق ر ق ك ءا ق ك اسكەري- اۋە كۇشتەرىنەن اسكەري- كولىكتىك اۆياتسيا تارتىلدى.
وقۋ- جاتتىعۋ دابىلى - «الەۋمەتتىك سيپاتتاعى توتەنشە وقيعالار تۋىنداعان كەزدە مەملەكەتتىك ورگانداردىڭ ءوزارا ءىس- قيمىلى» وقۋ- جاتتىعۋىنىڭ بولىگى بولىپ سانالادى. اتالعان ءىس- شارا ەلىمىزدە توتەنشە جاعدايلاردىڭ قاۋپى تونگەندە جانە تۋىنداعان كەزدە جيناقتالعان ءىس- قيمىل، ءبىرىڭعاي جۇمىستارعا مەملەكەتتىك ورگانداردىڭ قابىلەتتىلىگى مەن دايارلىق دەڭگەيىن ارتتىرۋ ماقساتىندا وتكىزىلەدى.
