اقان سەرىنىڭ انىنە ارقاۋ بولعان بالقاديشاعا ارنالعان ەسكەرتكىش اشىلدى

 استانا. قازاقپارات - اقمولا وبلىسىندا اقان سەرىنىڭ انىنە ارقاۋ بولعان بالقاديشاعا ارنالعان ەسكەرتكىش قويىلدى. بۇل تۋرالى «قازاقستان» ۇلتتىق ارناسى حابارلادى.

 اقمولا وبلىسىنىڭ زەرەندى اۋدانىندا اقان سەرىنىڭ انىنە ارقاۋ بولعان بالقاديشاعا ارنالىپ ەسكەرتكىش اشىلدى.

بالقاديشا ىبىراي قىزى - زەرەندى اۋدانىنا قاراستى، كەڭوتكەل ەلدى مەكەنىنىڭ تۋماسى. ءان كەيىپكەرىنە اينالۋى دا تەگىن ەمەس. تاس تۇعىردىڭ بوي كوتەرۋىنە اۋداندىق ارداگەرلەر كەڭەسىنىڭ مۇشەلەرى مۇرىندىق بولعان. «بالقاديشا - سۇلۋلىعىمەن عانا ەمەس، اسقان پاراساتتىلىعىمەن دە كۇللى قازاق قىزدارىنىڭ سيمۆولى»، - دەيدى ەل اعالارى.