استاناداعى ءال-عاني مەشىتىندە ورازا ايت مەرەكەسىنە وراي قايىرىمدىلىق اكسياسى ءوتتى - فوتو
قازاقستان حالقى اسسامبلەياسى مەن ق ر مۇسىلماندارى ءدىني باسقارماسىنىڭ قولداۋىمەن ۇيىمداستىرىلعان شارانى وتكىزۋگە «استانا قالالىق وزبەك ەتنومادەنيەت ورتالىعى» مۇرىندىق بولعان.
«ءبىز بارشا قازاقستاندىقتاردى قاسيەتتى مەيرام - ورازا ايتپەن قۇتتىقتايمىز. ەلىمىزدىڭ ءاربىر شاڭىراعىندا مەيىرىم مەن بەيبىتشىلىك بولسىن. بۇگىنگى قايىرىمدىلىق اكسيامىز ۇلىق مەيرام ورازا ايتقا بايلانىستى وتكىزىلىپ وتىر. وعان ەلىمىزدەگى قارتتار ءۇيىنىڭ تۇرعىندارىن، از قامتىلعان وتباسىلاردى، سونىمەن بىرگە مەشىتكە كەلۋشى جاماعاتتى شاقىرىپ وتىرمىز»، - دەيدى وزبەك ەتنومادەني ورتالىعىنىڭ باسشىسى شەرزود پۋلاتوۆ.
ونىڭ ايتۋىنشا، وسىنداي يگى شارالار قازاقستانداعى تاتۋلىقتىڭ تىرەگىنە اينالىپ، ۇلتتار اراسىنداعى دوستىقتى نىعىزداي تۇسەدى. شاراعا شامامەن ەكى جۇزدەن استام ادام قاتىسۋدا.
ەسكە سالا كەتەيىك، مەملەكەت باسشىسى نۇرسۇلتان نازاربايەۆ قازاقستان حالقى اسسامبلەياسىنىڭ سەسسياسى بارىسىندا «ۇلكەن ەل - ۇلكەن وتباسى» اكسياسىن وتكىزۋدى تاپسىرعان بولاتىن.
«جالپى، قازاقستان حالقى اسسامبلەياسى ءۇشىن ارنايى باعدارلاما ازىرلەنۋى كەرەك. اسسامبلەيانىڭ مەملەكەتتىك ىشكى ساياساتتى جۇزەگە اسىرۋعا قاتىسۋى - ءبىرقاتار جالپى مەملەكەتتىك مىندەتتەردى شەشۋگە ۇلەس قوسار ەدى. ءبىز قازاقستان حالقى اسسامبلەياسىنىڭ باستاماسىمەن «ۇلكەن ەل - ۇلكەن وتباسى» دەگەن اكسيا ۇيىمداستىرۋىمىز كەرەك»، - دەگەن ەدى پرەزيدەنت ن. نازاربايەۆ.
اۆتور: قانات مامەتقازى ۇلى
