تانىمال قازاق زيالىلارى ورازا ايت مەرەكەسىن اتاپ ءوتتى - فوتو

استانا. قازاقپارات - ورازا ايت مەرەكەسىنە وراي، استاناداعى ۇلتتىق اكادەميالىق كىتاپحانادا قازاق زيالىلارى مەن قوعامدىق قايراتكەرلەرى ءبىر داستارحان باسىندا باس قوستى.

شاراعا جازۋشى ءابىش كەكىلبايەۆ، مىرزاتاي جولداسبەكوۆ، اكىم تارازي، انەس ساراي، ءماجىلىس دەپۋتاتى ورازكۇل اسانعازى، التىنشاش جاعانوۆا، روزا مۇقانوۆا، دارحان مىڭباي، سەرىك تۇرعىنبەك جانە وزگەلەرى قاتىستى.

«بۇگىن بارشا مۇسىلمان جۇرتقا قاسيەتتى ورازا ايت مەرەكەسى كەلدى. ءبىر اي بويى يمان ەتكەندەر اۋىز بەكىتتى. سوندىقتان رامازان ايىنىڭ اياقتالۋىنا وراي، ءبىز ەلگە ەلەۋلى ازاماتتارىمىزدىڭ باسىن قوسىپ، ولارعا ءداستۇر بويىنشا ارنايى داستارحان جايدىق. ءبىزدىڭ ارامىزدا جوق اتاقتى اقىن- جازۋشىلارعا قۇران باعىشتالادى. ءبىز ولاردى تاعى ءبىر ەسكە الدىق»، - دەيدى ۇلتتىق اكادەميالىق كىتاپحانا ديرەكتورى ءۇمىتحان مۇڭالبايەۆا.