قازاقستان اسكەري كەمەلەرى تەڭىز بياتلونىندا تۇركىمەنستان، رەسەي جانە ازەربايجاننىڭ ۇزدىك مەرگەندەرىمەن سايىسادى - فوتو
ءبىزدىڭ اسكەري تەڭىزشىلەر اتاپ ايتساق، جاۋىنگەرلىك اتىسقا ەرەكشە كوڭىل بولۋدە، سەبەبى تەڭىز بياتلونىندا تۇركىمەنستان، رەسەي جانە ازەربايجاننىڭ ۇزدىك مەرگەندەرىمەن سايىساتىن بولادى.
سونىمەن قاتار قازاقستاندىق سۋ ءۇستى اسكەري كەمە ەكيپاجدارى جانە تەڭىز جاياۋ اسكەرلەرىنىڭ بولىمشەلەرى الداعى بايقاۋدىڭ باسقا دا باعىتتارى بويىنشا بەلسەندى جاتتىعۋلار جۇرگىزىپ جاتىر.
ولار تەڭىز ماڭىندا ءجۇزۋ، سۋ بەتىندەگى قاۋىپ، 30-40 مەترگە قايىقتى قويۋ، م س س-65 حالىقارالىق قوسالقى دابىلىنا سايكەس جارىق جانە تۋ ارقىلى دابىل بەلگىنى بەرۋ جانە قابىلداۋ جۇمىستارىن پىسىقتادى.
ەستەرىڭىزگە سالا كەتسەك، «كاسپي تەڭىز - 2015» - بۇل كاسپي ماڭى ەلدەرىنىڭ اسكەري- تەڭىز كۇشتەرى اراسىنداعى ءبىرىنشى جارىس. ول بيىل جازدا كاسپيدىڭ رەسەيلىك اكۆاتوريالارىندا وتەدى. تەڭىز بياتلونىندا وتاندىق «قازاقستان»، «ورال»، جانە «سارى ارقا» زىمىراندى- ارتيللەريالىق ءۇش كەمە ەكيپاجى، سونداي- اق تەڭىز جاياۋ اسكەرلەرىنەن قۇرالعان بريگادا ەل نامىسىن قورعايتىن بولادى.
