وبلىسىنىڭ اكىمى سەرگەي كۋلاگين: ورازا ايت - بارشامىز ءۇشىن ورتاق مەيرام - فوتو

 كوكشەتاۋ. قازاقپارات - بۇگىن اقمولا وبلىسىنىڭ اكىمى سەرگەي كۋلاگين كوكشەتاۋ قالاسىنداعى ناۋان- حازىرەت اتىنداعى ورتالىق مەشىتكە بارىپ، وبلىستىڭ بارشا مۇسىلمان قاۋىمىن يسلام ءدىنىنىڭ ۇلىق مەرەكەسى - ورازا ايتپەن قۇتتىقتادى.

بۇل تۋرالى وبلىس اكىمىنىڭ باسپا ءسوز قىزمەتىنەن حابارلادى.

 «بۇگىنگى كۇنگى قازاقستاننىڭ ەڭ باستى بايلىعى - ەلدەگى رۋحاني تۇراقتىلىق، بەيبىت اسپان مەن جارقىن بولاشاققا دەگەن حالىقتىڭ ورتاق ۇمتىلىسى. سان الۋان ۇلتتار مەكەندەگەن مەملەكەتتىڭ باستى بايلىعى دا وسى ەكەنىن ەلباسىمىز ۇدايى ايتىپ كەلەدى. تۇراقتىلىق بار جەردە عانا تابىس تا، باقۋاتتى تۇرمىس تا بولادى. سوندىقتان بۇگىنگى ۇلىق مەرەكە - بارشامىز ءۇشىن ورتاق مەيرام. مەن مۇسىلمان باۋىرلاردى شىن كوڭىلىممەن ورازا ايت مەرەكەسىمەن قۇتتىقتاپ، وتباسىلارىنا اماندىق، وتانىمىزعا تىنىشتىق تىلەيمىن» ، دەدى ءوز سوزىندە ءوڭىر باسشىسى.

وبلىس اكىمىنىڭ قۇتتىقتاۋىنان كەيىن ايت نامازى باستالدى.