11:31, 17 - شىلدە 2015 | GMT +5
لوندوندا توعىزقۇمالاقتان قازاقستاندىق الەم چەمپيوندارىنىڭ قاتىسۋىمەن جارىس وتەدى
استانا. قازاقپارات - ق ر توعىزقۇمالاق سپورتى فەدەراتسياسىنىڭ پرەزيدەنتى ءاليحان بايمەنوۆ پەن «قازاليانس» شەتەلدەگى قازاقستاندىق ستۋدەنتتەر بىرلەستىگىنىڭ پرەزيدەنتى راشيد ايۋپوۆ اراسىندا ەكى ۇيىمنىڭ ىنتىماقتاستىعى تۋرالى مەموراندۋمعا قول قويىلدى.
مەموراندۋم اياسىندا، ءبىرىنشى قادام رەتىندە تاراپتار 2015-جىلدىڭ 29-30- تامىزىندا ۇلى بريتانيانىڭ لوندون قالاسىندا توعىزقۇمالاقتان الەم چەمپيوندارى - سالتانات ساپاربەكوۆا جانە سەرىك اقتايەۆتىڭ قاتىسۋىمەن ءبىرۋاقىتتاعى ويىندار وتكىزۋ شەشىمىن قابىلدادى. سونىمەن قاتار ولار ىنتىماقتاستىقتىڭ وزگە دە ماسەلەلەرىن تالقىلادى، دەپ حابارلادى ۇيىمداستىرۋ كوميتەتىنەن.
